Gríma arkitektar hefur verið starfandi síðan í desember 2015 og byggir á grunni Studio Striks arkitekta sem hóf rekstur árið 2007. Eigandi Grímu arkitekta er Sigríður Ólafsdóttir arkitekt, FAÍ.

​

Hjá Grímu arkitektum er lögð áhersla á að hvert verkefni sé einstakt og taki mið af staðháttum, tilgangi og þörfum viðskiptavina. Verk stofunnar einkennast af vandaðri nálgun, nánu samstarfi við verkkaupa og virðingu fyrir landfræðilegu og sögulegu samhengi.

​

Við höfum víðtæka reynslu af hönnun fjölbreyttra mannvirkja og gerð skipulagstillagna, þar á meðal íbúðarhúsnæðis, hótela, atvinnuhúsnæðis, skóla, íþróttamannvirkja, hjúkrunarheimila, skrifstofa, verslana, menningarmiðstöðva, auk endurgerðar eldri bygginga.

​

Langflest verkefni okkar eru unnin samkvæmt BIM aðferðafræði. Sjálfbærni er lykilþáttur í hönnun okkar og við þekkjum vel BREEAM umhverfisvottunarkerfið.